Einnig er hægt að panta borð í síma 482 4099

Bóka gistingu

01.10 2018

Menam - tímamót

Í gær, sunnudaginn 30. september var síðasti starfsdagur Menam í þeirri mynd sem hann hefur verið rekin síðustu 21 ár. 

Þeir aðilar sem tóku við rekstrinum nú í sumar keyptu ekki vörumerkið "Menam" en fengu að nota nafnið og reka Menam fram á haustið meðan þau undirbjuggu breytingar á staðnum því ekki þótti skynsamlegt að breyta um matseðil og nafn á miðri sumarvertíð. 

Á laugardaginn kemur (6. október) mun því opna nýr og efnilegur veitingastaður í húsnæðinu að Eyravegi 8 - VEITINGASTAÐURINN KRISP - sem leggur áherslu á ferska nálgun á hollusturéttum fyrir fjölskylduna.

Margir hafa spurt - hvað verður um Menam og matinn sem hefur þar verið framreiddur síðustu 20 ár?  Mun Menam hætta starfsemi endanlega?

Svarið við því er líklega nei - við sem eigum "Menam" vörumerkið erum að skoða hvaða möguleikar eru í stöðunni.  Við höfum verið að skima eftir hentugu húsnæði á Selfossi með það í huga að opna á nýjum stað með breyttu sniði - leggja áherslu á hraða og góða þjónustu í hádeginu og "take away" á kvöldin.    

Næstu dagar og vikur munu því skera úr um það hvort og þá hvernig Menam mun eiga framhaldslíf....

Fylgist með á þessum vettvangi!

....

MENAM, sem þýðir ,,Við fljótið”, er thailenskur / alþjóðlegur veitingastaður þar sem aðal áhersla er lögð á fyrsta flokks hráefni og alúðlega þjónustu í notalegu umhverfi. Hjá okkur starfar fólk bæði af thailenskum og íslenskum uppruna sem tryggir það besta sem völ er á í okkar matargerð.

Aðalsmerki okkar er að allir réttir eru eldaðir jafn óðum eftir pöntunum til að ferskt hráefnið njóti sín sem best. Þá kappkostum við að nota ekki MSG eða þriðja kryddið í okkar matargerð.

Veitingastaðurinn er hannaður í thailenskum stíl og er skreyttur austurlenskum munum, sem hjálpar okkur að ná fram notalegri stemmningu og skapar í raun heila veröld út af fyrir sig.

Á efri hæð MENAM er lítið gistiheimili sem rúmar allt að 8 manns. Þar er áhersla lögð á rólegt og notalegt umhverfi.

Veitinga – og gistiheimilið Menam er staðsett að Eyravegi 8 á Selfossi skammt frá bökkum Ölfusár.

MENAM | Eyravegur 8 | Sími: 482-4099 | menam@menam.is |  Menam á Facebook